En de Kölle Strooß 176 setz de Troisdorfer Rejierung met Bürjemeester, Stadtroot un Verwaltung zick 1995. Am 1. Aujus 1969 wuerd us dem aale Städtche Troisdorf, us Loor, de Hött, dat dovür zo Mengde jehuurt, un us Aleroth, dat von Luhme koom, die neue Stadt Troisdorf, die höck mieh wie 76 000 Minsche zällt. Domols hat me sich noh vell Rabatz met Möh jeeenich, dat de neue Stadt „Troisdorf“ heeße, de Heiner Jerhardes, de Direkter von Loor, Stadtdirektor werde un et neue Rothuus en Loor sen sollt.
Met de Johre wuerd de Troisdorfer Verwaltung immer größer un dät baal an aach verschiedene Stelle arbeede. Dat jefeel höchstens noch de Fuulenzer. Ävver statt e neu Rothuus ze baue, wurd 1994 de Dynamit-Nobel ihr Verwaltung für 35 Mio Mark avjekoof. Net all wesse, dat och dat Grondstöck fröher zo Loor jehürt hät.
Dat Huus es en Konstruktion us zwei dreizackije Sterne, von denne je eener anenander jebaut es, domet dat die Jäng von Raum ze Raum möglichs kurt sen. Bauheer wor 1978 de Industrieverwaltung Friedrich Flick, nohdem de Flickse sich von enem Deel von ihre Daimleraktie jetrennt hatte. Övvrijens steht die aale Haupverwaltung jenau jäjenövver. Dat wor 1956 et iertste Huuhuus em domolije Siechkreis un es vom Paul Schaeffer-Heirothsberge jebaut wurde, der domols och et Bundeskriminalamt en Wiesbaden jebaut hät.
Et Rothuus
Aus dem Audiowalk Von de Bahn övver de Burch nohm Breuste Ne Jang durch de Stadt mem Haase Pitte | Troisdorf
![Von de Bahn övver de Burch nohm Breuste Ne Jang durch de Stadt mem Haase Pitte Von de Bahn övver de Burch nohm Breuste Ne Jang durch de Stadt mem Haase Pitte](https://guidemate.s3.fr-par.scw.cloud/tours/images/53e0a458e4b0451a15ae38ca_82x82.jpg)
22
Stationen
43:10 min Audio
6.78 km 6
43:10 min Audio
6.78 km 6
![Et Rothuus Et Rothuus](https://guidemate.s3.fr-par.scw.cloud/tourPoints/images/53e0a4cde4b0451a15ae38cf.jpg)